Maskerinat transparente

Dhëmbët e shtrembër dhe një kafshim i keq mund të çojnë në një sërë problemesh të shëndetit oral!

Nëpërmjet ortodoncisë dhëmbët mund të drejtohen tek të rriturit, adoleshentët ose fëmijët, duke përdorur mbajtëse që mund të jenë fikse ose të lëvizshme, të cilat  mund të rregullohen dhe mund të drejtojnë dhëmbët duke lejuar rritjen dhe zhvillimin.

Trajtimi ortodontik shërben për të rregulluar problemet e dhëmbëve si:

  • Kafshimet e hapura, të cilat ndodhin kur skaji i poshtëm i dhëmbëve të sipërm të përparmë nuk prek pjesën e sipërme të dhëmbëve të poshtëm të përparmë. Kjo çon në përtypje të pamjaftueshme.
  • Kafshime të kryqezuara të cilat ndodhin kur skajet e dhëmbëve nuk takohen. Ky rast con në pamje të shëmtuar, përtypje të pamjaftueshme dhe dhëmbë lehtësisht të gërryeshëm.
  • Kafshime të thella, kur dhëmbët e përparmë të sipërm dhe të poshtëm nuk janë të rreshtuar si duhet  dhe dhëmbët e poshtëm kanë tendencë të prekin qiellzën e gojës. Kjo mund të çojë në dëmtimin e mishrave të dhëmbëve, sëmundjet e mishrave të dhëmbëve, humbjen e dhëmbëve apo humbjen e veshjes së dhëmbëve.
  • Rritje e mbingarkesës, ky rast ndodh kur dhëmbët e sipërm dalin jashtë gojës, gjë e cila mund të jetë pasojë e thithjes së gishtit të madh apo për shkak të rritjes së pabarabartë të kockave të nofullës.
  • Mbivendosje e kundërt – Nofulla e poshtme del jashtë nofullës së sipërme. Përveç pamjes jo estetike , mund të çojë në dëmtimin e dhëmbëve.
  • Hapësira – Hapësira e panatyrshme midis dhëmbëve mund të rezultojë nga dhëmbë të zhvilluar dobët, më të vegjël ose që mungojnë.

Trajtimi ortodontik përveçse përmirëson vetëvlerësimin dhe risjell funksionin e dhëmbëve gjithashtu mund të zvogëlojë rrezikun për prishjen e dhëmbëve dhe sëmundjet e mishrave të dhëmbëve dhe të mbrojë nofullën nga stresi. Gjithashtu mund të parandalojë dhimbjet e kokës të shkaktuara nga probleme të nofullës, si dhe të mbajë të hapur rrugët e frymëmarrjes, kështu që zvogëlohet mundësia edhe për të gërhitur.

 

Për fat të mirë, rruga drejt një buzëqeshje të bukur të  drejtë dhe të shëndetshme nuk ka pse të jetë e veshur me mbajtëse metalike.

 

Maskerinat transparente apo aparatet Invisalign janë gati të padukshme, ndaj mbeten metoda më estetike për drejtimin e dhëmbëve për të rriturit dhe fëmijët.

Metoda Invisalign mund të trajtojë shumë probleme të zakonshme po aq efektive sa aparatet fikse metalike tradicionale, dhe koha e trajtimit është shpesh më e shpejtë . Pacientët jamë të kënaqur me maskerinat transparente pasi qëndrojnë në mënyrë diskrete në dhëmbë. Nuk duken kur buzëqeshet dhe mund të hiqen, në mënyrë që të shijohen ushqimet  dhe të pastrohen me lehtësi dhëmbët.

Nëse keni nevojë për trajtim për boshllëqet, dhëmbët e shtrembër ose shtrirjen e kafshimit, mund të caktoni një konsultë sot. Ekipi Dentar BRIANZA DENT  do të vlerësojë dhëmbët dhe nofullën tuaj duke i kontrolluar ato si fizikisht gjithashtu dhe me rreze X  për të përcaktuar trajtimin më të mirë për problemet  tuaja.

Maskerinat transparente janë  këllëf  plastikë transparentë  që drejtojnë dhëmbët dhe nofullën tuaj në pozicionin e duhur.  BRIANZA DENT  përdor një program software të avancuar për të planifikuar vendosjen e maskerinave  dhe për të ndjekur zhvillimin e procesit .

Në fillim vendoset një këllëf për rreth dy javë dhe më pas këllëfi i parë hiqet dhe vendoset një këllëf tjetër. Dentisti juaj do të kontrollojë përparimin tuaj çdo gjashtë javë dhe do të rregullojë sipas nevojës për të siguruar që dhëmbët dhe nofulla të përfundojnë në pozicionin ideal. Koha e trajtimit mund të zgjasë nga 6-18 muaj, në varësi të nevojave tuaja. Pasi dhëmbët tuaj të jenë drejtuar, do të përdorni një ruajtës për t’i mbajtur ato në pozicion. Me kalimin e kohës, nofulla do të përshtatet në pozicionin e ri, dhe maskerinat trasparente do t’ju duhet t’i përdorni gjithnjë e më pak për të ruajtur rezultatin përfundimtar.