Po përjetoni mungesën e dhëmbëve? Mund të rregullohet me implante dentare.  Humbja; qoftë edhe e një dhëmbi të vetëm mund të jetë shkatërruese për strukturat e dhëmbëve përreth. Dhëmbët e humbur gjithashtu mund të ndikojnë përtej shëndetit tuaj oral dhe të kenë efekte anësore negative edhe në jetën shoqërore. Zgjidhja më e mirë e përhershme për dhëmbët që mungojnë janë implantet dentare.

Për ata që kanë humbur dhëmbë

Humbja e dhëmbëve mund të ndodhë për shumë arsye të ndryshme, duke përfshirë sëmundjen periodontale të avancuar dhe traumën. Humbja e dhëmbëve prek qindra miliona njerëz në botë dhe është tepër e zakonshme tek të rriturit. Pamja e një personi, aftësia përtypëse dhe vetëbesimi rrezikohen të gjitha kur atij i mungon një dhëmb. Nëse trajtimi vonohet, humbja e dhëmbëve gjithashtu shkakton probleme të tjera orale, duke përfshirë prishjen e dhëmbëve dhe humbjen kockore. Por pavarësisht nëse e besoni ose jo, ky është një problem i trajtueshëm.

Megjithëse protezat kanë qenë metoda e preferuar për zëvendësimin e dhëmbëve të humbur për shumë vjet, pacientët tani po kuptojnë përfitimet afatgjata funksionale dhe kozmetike të implanteve dentare. Implantet dentare vlerësohen shumë si zgjidhja ideale për heqjen e dhëmbëve, për shumë raste; edhe në Brianza Dent.

Implante Dentare janë zgjidhja

Në klinikën tonë Brianza Dent, shumë pacientë i drejtohen implanteve dentare për një trajtim zëvendësues të dhëmbëve. Dhe kanë arsye. Implantet dentare janë e vetmja zgjidhje që imiton strukturat natyrale të dhëmbëve, ngjan më shumë me dhëmbët natyralë dhe parandalon prishjen e mëtejshme të kockës së nofullës. Kjo ndodh sepse vida e një implanti dentar vepron si rrënja e një dhëmbi natyral, duke stimuluar kockën e nofullës së pacientit. Nëse marrin kujdesin e duhur, implantet dentare mund të zgjasin për gjithë jetën.

Ajo çka është më e rëndësishme, është zgjedhja e profesionistit dentar të duhur. Ky është kushti parësor që pacienti të garantojë jetëgjatësinë e implantit dhe rezultatin e mirë. Në Brianza Dent, mund të jeni të sigurt në ekipin tonë dentar dhe implantologun tonë me përvojë Prof. Assoc. Luan Mavriqi, i cili i ndihmuar nga teknologjia më e përparuar, garanton rezultatet e përsosura për shëndetin tuaj oral dhe një buzëqeshje të përsosur.

A jeni gati për të nisur udhëtimin tuaj drejt një buzëqeshje të re dhe të përmirësuar? Kontaktoni me ne në Brianza Dent për të planifikuar konsultën tuaj sot!

Keni planifikuar me kujdes kohën për t’iu nënshtruar ndërhyrjes për të vendosur  implant dentar? Keni bërë ekzaminimet e nevojshme dhe më në fund ndërhyrja përfundon me sukses. Po çfarë ndodh më pas? Parapërgatitja për periudhën e rekuperimit është po aq e rëndësishme sa dhe masat që merrni para ndërhyrjes, për të lehtësuar veten nga frika, apo shqetësimet e mundshme gjatë këtij proçesi. Këtu, do t’i përgjigjemi disa prej pyetjeve më të shpeshta që dëgjojmë nga pacientët tanë dhe që ju ndihmojnë të përballoni me sukses gjithë periudhën e nevojshme për të marrë veten pas vendosjes së implanteve dentare.

 

  • Sa dhimbje do të kem pasi vendos një implant dentar?

 

Sado e frikshme të duket, për shumicën e pacientëve, dhimbja është krejtësisht e durueshme. Madje shumë pacientë kthehen në punë menjëherë pas vendosjes së implanteve dentare. Një pjesë e madhe e përballojnë lehtësisht me qetësues të lehtë që mund të merren pa recetë. Proçedura për vendosjen e implantit zakonisht kërkon vetëm një prerje të vogël të mishit të dhëmbëve dhe kocka nuk ka fije nervore, që do të thotë se dhimbja është minimale. Nëse ndërhyrja është më e ndërlikuar, dentisti mund të rekomandojë një qetësues dhe dhimbja kalon pas një apo dy ditësh.

 

  • Kur mund të ha normalisht?

 

Për shumicën e pacientëve rekomandojmë që të presin të paktën një orë para se të hanë. Duam të sigurohemi që mishrat e dhëmbëve të kenë kohën e nevojshme të mpiksjes. Pasi të keni hequr garzën dhe të ketë pushuar gjaku, mund të hani diçka të butë. Bëni kujdes të mos pini lëngje me kallam dhe mbi të gjitha jo lëngje të nxehta! Ushqimet e forta mund të filloni t’i provoni pas 24 orësh, por mund të gjykoni vetë se cilat ushqime janë më të përballueshme për ju dhe nuk shkaktojnë dhimbje.

 

  • Çfarë duhet të pres gjatë proçesit të shërimit kur vendosni implant dentar?

 

Ditën e parë mund të keni pak dhimbje, ndjeshmëri dhe një enjtje të lehtë. Përmirësimi ndihet pas çdo dite, por në rast se dhimbja nuk largohet, duhet të kontaktoni menjëherë me dentistin tuaj për të gjetur shkakun dhe për të marrë ndihmën e nevojshme. Për lehtësimin e simptomave pas vendosjen së implanteve dentare, mund t’ju ndihmojë vendosja e akullit në faqen nga është bërë ndërhyrja, apo ibuprofeni në doza normale. Edhe nëse përjetoni marrje mendsh apo trazim të stomakut, këto do të largohen brenda 24 orëve.

 

  • Sa kohë duhet për ta marrë veten plotësisht pas ndërhyrjes së implantit dentar?

 

Koha e rekuperimit varet nga lloji i ndërhyrjes për vendosjen e implanteve dentare. Për shumicën e njerëzve, koha e shërimit është një deri në dy ditë. Por nëse keni vendosur më shumë se një implant, apo është bërë transplant i kockës, koha e rekuperimit mund të zgjasë një deri në dy javë. Sigurisht që koha për të marrë veten pas proçedurës së implanteve dentare varet edhe nga gjendja juaj shëndetësore, mosha, si dhe higjena orale.

 

  • A është e vështirë të kujdesesh për implantet dentare?

 

Gjëja më e rëndësishme që duhet të bëni kur vendosni implant dentar është të ruani një higjenë sa më të mirë të gojës gjatë kohës së rekuperimit. Për të paktën 24-48 orë pas proçedurës së implanteve dentare, rekomandojmë që pacientët të shpëlajnë gojën rregullisht me ujë të ngrohtë me kripë. Pas kësaj periudhe, mund të filloni t’i lani lehtë me furçë dhe të përdorni fillin dentar. Mos harroni se s’duhet të përdorni kallama për të pirë lëngje dhe as produkte duhani.

Pas shërimit të plotë, implantet dentare do t’i trajtoni me të njëjtin kujdes si dhe dhëmbët tuaj. Pavarësisht se e mira e implanteve është që nuk prishen si dhëmbët natyralë, kujdesi i duhur ndihmon në jetëgjatësinë e tyre. Gjithashtu, duhet treguar kujdes edhe për mishrat e dhëmbëve rreth implanteve.

 

Në Brianza Dent, ju këshillojmë e udhëzojmë në çdo hap të proçedurës dhe i përgjigjemi në çdo kohë çdo pyetjeje apo shqetësimi që të keni për implantet dentare, sepse duam të sigurohemi që buzëqeshja juaj të jetë rrezatuese gjatë gjithë jetës!

ÇFARË JANË IMPLANTET DENTARE?

Një implant dentar është një protezë që përdoret për të zëvendësuar dhëmbët, të cilët mungojnë. Një vidë e vogël titani, që futet në kockën e nofullës, në krye të së cilës mund të ngjitet një kurorë e vetme (kapelë), një urë fikse, një protezë e pjesshme ose protezë e plotë. Pasi implanti integrohet në kockën tuaj, një strukturë e quajtur abutment lidhet me implantin dhe më pas ngjiten dhëmbi/dhëmbët artificialë. Ka 3 pjesë për një “dhëmb implant”: vetë implanti dentar, abutmenti dhe dhëmbi artificial.

KUSH ËSHTË NJË KANDIDAT I MIRË PËR IMPLANTET DENTARE?

Kandidat për implante dentare është kushdo, që i mungon një dhëmb i vetëm, shumë dhëmbë ose të gjithë dhëmbët. Konsultohuni me specialistët tanë pranë Brianza Dent, klinikë dentare në Tiranë në lidhje me nevojat tuaja specifike.

CILAT JANË AVANTAZHET E IMPLANTEVE DENTARE?

Njerëzit janë “të bekuar” me 2 grupe dhëmbësh (dhëmbët e qumështit dhe dhëmbët e rritur/të përhershëm). Kur një dhëmb i vetëm i përhershëm ose shumë dhëmbë humbasin për shkak të prishjes së dhëmbëve ose sëmundjes së mishrave të dhëmbëve, implantet dentare tani mund t’i zëvendësojnë ato.

Implantet dentare mund të zgjasin një jetë dhe mund të përmirësojnë pamjen tuaj, besimin dhe aftësinë tuaj për të ngrënë ushqimet që ju pëlqeni dhe për të marrë pjesë në një mënyrë jetese aktive, pa u shqetësuar për dhëmbët tuaj. Implantet dentare janë prej titani dhe nuk prishen si dhëmbët natyral!

CILAT JANË DISAVANTAZHET E IMPLANTEVE DENTARE?

Ashtu si çdo procedurë kirurgjikale orale, ekziston rreziku i infeksionit, inflamacionit dhe dhimbjes, por dentisti juaj do t´ju sygjerojë në lidhje me situatën tuaj specifike. Nëse nuk ka kockë të disponueshme për të vendosur implantin, atëherë mund të kërkohen procedura të shartimit të kockave dhe mishrave të dhëmbëve, gjë që mund të rrisë koston e trajtimit tuaj. Investimi paraprak do t´ja vlejë në jetëgjatësi.

 

SA KUSHTOJNË IMPLANTET DENTARE?

Në përgjithësi, kostoja e zëvendësimit të një dhëmbi të vetëm me një implant dentar është pothuajse e njëjtë me zëvendësimin e tij me një urë të rregullt fikse. Kostoja ndryshon sipas nevojave të pacientit, sasisë së kockave dhe klinikës dentare. Mjeku Orthodontist do të bëjë një vlerësim bazuar në nevojat tuaja unike.

CILA ËSHTË SHKALLA E SUKSESIT TË IMPLANTEVE DENTARE?

Suksesi i implanteve dentare ndryshon nga individi në individ dhe lidhet me shëndetin dhe zakonet e jetesës. Për një individ të shëndetshëm me higjienë të mirë orale dhe shëndet të mirë, implantet dentare kanë norma suksesi të raportuara mbi 90-95 përqind.

 

SA ZGJASIN IMPLANTET DENTARE?

Ndryshe nga dhëmbët natyralë, implantet dentare nuk janë të ndjeshme ndaj sëmundjeve dentare siç është prishja; megjithatë, shëndeti i mishrave të dhëmbëve është jetik për ruajtjen e suksesit afatgjatë të implantit. Kujdesi i ndërgjegjshëm në shtëpi nga pacienti dhe pastrimet dhe kontrollet e rregullta profesionale janë elemente thelbësore për qëndrueshmërinë e implantit dentar. Çdo pacient është i ndryshëm dhe suksesi varet nga diagnoza dhe planifikimi, historia mjekësore dhe një sërë faktorësh të tjerë.

ÇFARË ËSHTË ALL-ON-4?

All-on-4 është një procedurë trajtimi që në thelb përfshin zëvendësimin e të gjithë dhëmbëve që mungojnë duke përdorur vetëm 4 implante. Kjo procedurë është veçanërisht e dobishme për pacientët që kanë humbur shumë kocka në pjesën e pasme të gojës, si mosha e tretë.

 

A MUND TË VENDOSEN IMPLANTE NË PROTEZA?

Protezat nuk mund të “bëhen në implante”. Implantet janë vida metalike të vendosura në kockën e nofullës për të ndihmuar në ankorimin dhe mbështetjen e dhëmbëve artificialë (protezat). Mund të jetë e mundur që të vendosen implante nën protezat ekzistuese për të ndihmuar në stabilizimin dhe mbështetjen e atyre protezave. Kjo mund të bëhej vetëm nëse protezat aktuale do të ishin në gjendje të shkëlqyer. Ju duhet të konsultoheni për të ekzaminuar me kujdes protezat tuaja ekzistuese.

 

A JANË IMPLANTET DENTARE TË LËVIZSHME SI PROTEZAT?

Jo, implantet dentare janë të fiksuara fort në kockë dhe lejojnë që dhëmbët të zëvendësohen në një mënyrë që është më afër dhëmbëve natyralë.

 

SI NDIHMOJNË IMPLANTET DENTARE NËSE KAM PROTEZA?

Implantet përdoren më së shumti te pacientët që mbajnë proteza të plota ose proteza të pjesshme. Implantet dentare mund të përdoren për të fiksuar dhe mbështetur dhëmbin artificial. Proteza e pjesshme ose e plotë nuk lëviz dhe zvogëlon varësinë nga ngjitësi. Vetëm dentisti mund ta heqë atë nga goja.

 

Në këtë artikull i jemi përgjigjur disa prej pyetjeve më të shpeshta rreth implanteve dentare. Gjithashtu ju mund të lexoni dhe Implantet Dentare: Pyetjet më të shpeshta dhe përgjigjet nga Prof. Asc. Dr. Luan Mavriqi

Secili prej nesh ka nevoja unike ndaj nëse mendoni se jeni kandidat për implante dentare dhe doni të informoheni  rreth rastit tuaj ju mund të konsultoheni pranë Brianza Dent. Pas konsultës ju do të merni sigurinë dhe përgjigjet e nevojshme për të marë vendimin e duhur për veten tuaj.